Әлеуметтік көмек көрсету

Мұғалжар аудандық жұмыспен қамту және әлеуметтік бағдарламалар
бөлімінің 1 жарты жылдықта атқарылған жұмыстары туралы
Жұмыспен қамту бойынша
Халықтың жұмыспен қамтылуы жөніндегі аумақтық жоспары бойынша ауданда халықты жұмыспен қамту шараларын жақсарту, жұмыссыздарды әлеуметтік қосымша қорғау шараларын орындау мақсатында 2019 жылдың 6 айында ауданда 476 жаңа жұмыс орындары ашылып (жылдық жоспар - 1100) жылдық жоспар 43,3 % орындалды.
Ауданда ағымдағы жылдың 6 айында жолыққан жұмыссыз азаматтар жұмыссыздықтан әлеуметтік қорғау шараларымен қамтылды, атап айтар болсақ, 896 жұмыссыз жұмысқа орналастырылып, (жылдық жоспар - 1647) жоспар 54,4 % орындалды.
Халықтың нысаналы тобына жататын 335 жұмыссыз аудан мекеме, кәсіпорындарында ұйымдастырылған әлеуметтік жұмыс орындарына орналастырылып (жылдық жоспар-350) жоспар 95,7% орындалып, жұмыс берушілердің әлеуметтік жұмыс орындарына қабылдаған азаматтарға еңбекақы төлеуге жұмсаған шығындарының бір бөлігін өтеу үшін бюджеттен барлығы 30 666,3 мың теңге (РБ-13192,6 мың теңге, ЖБ-17473,7 мың теңге) еңбек ақы тағайындалып төленді.
Сонымен қатар 145 жас маман мамандықтарына сай аудан аймағында орналасқан мекеме, кәсіпорындарға Жастар тәжірибесіне орналастырылып (жылдық жоспар - 400) жылдық жоспар 36,3 % орындалып, Жастар тәжірибесінде жұмыс жасаған жас мамандарға бюджеттен барлығы 37 555,8 мың теңге (РБ-2108,2, ЖБ-35447,6 мың теңге) еңбекақы тағайындалып толығымен төленді.
Ағымдағы жыл басынан 494 жұмыссыз ақылы қоғамдық жұмысқа (АҚЖ-412, Гүлдене бер туған Ел-82) тартылып уақытша жұмыспен қамтамасыз етіліп (жылдық жоспар – АҚЖ-498, Гүлдене бер туған Ел-200) жылдық жоспар 70,8 % орындалып оларға жергілікті бюджеттен 63422,3 мың теңге (АҚЖ-60311,3, Гүлдене бер туған Ел-3111,0) еңбек ақы тағайындалып толығымен төленді.
Ағымдағы жылдың 01 шілдесіне есепте тұрған жұмыссыздар саны 946 адам болып экономикалық белсенді тұрғындар саны 36105 адамға шаққанда 2,6 пайызды құрап отыр.
Ауданда Пробация қызметінің есебінде тұрған адамдар үшін 2019 жылдың 06 ақпанында аудан әкімдігінің №38, Бас бостандығынан айыру орындарынан босатылған адамдар үшін 15 ақпанда №51, Ата-анасынан кәмелеттік жасқа толғанға дейін қамқорлығынсыз қалған жастар қатарындағы азаматтар үшін 15 наурызда №92, Мүгедектер үшін 18 ақпанда №53 қаулылары аудан аймағында орналасқан мекеме, кәсіпорындарда меншік түріне қарамастан жұмыс орындарының квотасын белгілеу туралы қабылданып 12 мекемеде жұмыс орындарының квотасы белгіленді.
Әлеуметтік көмек көрсету бойынша
Мемлекеттік атаулы әлеуметтік көмекке 2019 жылға РБ-363 889,0 мың және ЖБ-29954,0 мың теңге, барлығы 393 843,0 мың теңге бөлініп, 6 айға құрамында 5776 адамы бар 1281 отбасына 274827,2 мың теңге тағайындалып, 290526,1 мың теңге төленді.
Оның ішінде: Шартты ақшалай көмек- 5062 адамы бар 1101 отбасына 242852,7 мың теңге тағайындалып, 258551,4 мың теңге төленді. .
Шартсыз ақшалай көмек-714 адамы бар 180 отбасына 31974,7 мың теңге тағайындалып, төленді.
Тұрғын үй көмегіне – ЖБ-тен 6000,0 мың теңге бөлініп, 6 айға 335 адамы бар 126 отбасына 1901,2 мың теңге тағайындалып, 1729,1 мың теңге төленді.
Жергілікті өкілетті органдардың шешімі бойынша жекелеген санаттағы азаматтарға әлеуметтік көмек төлеу үшін 2019 жылға 96000,0 мың теңге қаражат бөлініп, 6 айында 616 адамға 34920,4 мың теңге осы бағытқа қатысты санаттағы азаматтарға заң талаптарын сақтай отырып тағайындалып, 31122,9 мың теңге төленді.
Атап айтқанда:
Ұлы Отан соғысына қатысушылары мен мүгедектеріне әлеуметтік тұрмыстық қажеттілігіне 4 адамға 192,0 мың теңге тағайындалып, 160,0 мың теңге төленді.
Ұлы Отан соғысына қатысушылары мен мүгедектеріне және жалпы мүгедектерге, оларды ертіп жүруші азаматтарға облыстық денсаулық сақтау басқармасының жолдамасы бойынша төленетін жол шығындарын өтеу үшін 22 адамға 513,5 мың теңге тағайындалып, 408,9 мың теңге төленді.
Әлеуметтік мәні бар аурулармен ауыратын азаматтарға төленетін әлеуметтік көмек 194 адамға 20604,0 мың теңге тағайындалып, 16943,1 мың теңге төленді.Үйден оқытылатын мүгедек балаларға арыздары бойынша әлеуметтік көмек 26 балаға 600,9 мың теңге тағайындалып, төленді.
9 май жеңіс күні мерекесі қарсаңында 370 адамға 13010,0 мың теңге, оның ішінде Ұлы Отан соғысына қатысушыларымен мен мүгедектеріне 300,0 мың теңгеден 4 адамға 1200,0 мың теңге, ҰОС мүгедектерінің жесірлеріне 30,0 мың теңгеден 12 адамға 360,0 мың теңге, ҰОС ардагерлеріне және мүгедектеріне теңестірілгендерге 100,0 мың теңгеден 65 адамға 6500,0 мың теңге, бейбіт уақытында әскери қызметін өткеру кезінде қаза тапқан (қайтыс болған) әскери қызметшілердің отбасыларына 30,0 мың теңгеден 10 адамға 300,0 мың теңге, ҰОС ардагерлерінің жесірлеріне 25,0 мың теңгеден 16 адамға 400,0 мың теңге, Ауған жауынгерлердің жесірлеріне 25,0 мың теңгеден 14 адамға 350,0 мың теңге, марапатталған тыл ардагерлеріне 30,0 мың теңгеден 11 адамға 330,0 мың теңге және 1941-1945 жылдар аралығында тылда жұмыс жасаған азаматтарға 15,0 мың теңгеден 238 адамға 3570,0 мың теңге тағайындалып, төленді.
Мүгедектермен жұмыс бойынша
Мұғалжар аудандық зейнетақы төлеу орталығының берген мәліметі бойынша мүгедектер саны - 1524, оның ішінде I топтағы мүгедектер - 119, II топтағы мүгедектер - 559, III топтағы мүгедектер - 601, 16 жасқа дейінгі мүгедек балалар - 245 санын құрайды.
Сектор бойынша төмендегідей қызметтер көрсетілді:
Сурдотехникалық құралдар (көп функционалды дабылды жүйелер, ұялы телефон, сағат, нотбуктар): 24 мүгедекке 2287,0 мың теңгеге 47 құралдар берілді;
Тифлотехникалық құралдар (плеер, оқу машиналары, нотбуктар және соқырлар сағаты): 14 мүгедекке 5 588,7 мың теңгеге 36 құралдар берілді;
Техникалық көмекші құралдар (таяқтар, балдақтар, жетек арбалар): 42 мүгедекке 172,5 мың теңгеге 47 дана берілді;
Міндетті гигиеналық құралдар (жөргектер, жаялықтар): 92 мүгедекке 8 539,8 мың теңгеге 71 359 дана берілді;
Арнаулы жүріп тұру құралдары (бөлмелік, серуендік кресло-арбалар): 17 мүгедекке 2 641,9 мың теңгеге 33 арбалары берілді;
Есту кемістігі бар 12 мүгедекке 1 ымдау тілі маманы қызметін көрсетіп, оған 1 012,4 мың теңге еңбек ақысы төленді;
Жүріп-тұруы қиын І топтағы 50 мүгедекке 50 жеке көмекші тағайындалып, оларға 4 595,7 мың теңге көлемінде қызметтер көрсетілді;
Ағымдағы жылдың ақпан айынан бастап 14 мүмкіндігі шектеулі балаларға арналған күндізгі жартылай стационар жұмысын жасауда. Аталған стационарға жергілікті бюджеттен 5 239,0 мың теңге бөлініп, 4 008,0 мың теңге игерілді.
Мүгедектерге «Инватакси» қызметіне жергілікті бюджеттен 3 000,0 мың теңге бөлініп 2 999,9 мың теңгеге әлеуметтік тапсырыспен келісім шарт жасалып, 343,3 мың теңгесі игерілді. Қазіргі таңда барлығы 35 мүгедектерге қызмет көрсетілуде.
Барлығы: 300 мүгедекке 29 189,3 мың теңгенің 71 522 дана көмектері көрсетілді.
2019 жылдың 1 шілдесіне дейін мүмкіндігі шектеулі 8 азамат әлеуметтік жұмыс орнына, 27 мүгедек өз тілектері бойынша ақылы қоғамдық жұмысқа тартылып уақытша жұмыспен қамтамасыз етілсе, осы санаттағы 3 жас маман мамандығына сай Жастар тәжірибесіне, 9 адам белгіленген квота бойынша тұрақты жұмысқа және 2 адам уақытша маусымдық жұмысқа орналастырылды. «Бастау бизнес» бағдарламасы бойынша 4 адам оқытылды.
Бөлім бойынша 1 шілде айына «мемлекеттік корпорация» арқылы 439, электрондық үкіметтің веб-порталы арқылы 186, барлығы 625 мемлекеттік қызметі көрсетілді және орындалуы бойынша «мемлекеттік корпорация» мен электрондық үкіметтің веб-порталы арқылы 100% болып отыр. Бөлім бойынша мерзімі бұзылып көрсетілген мемлекеттік қызметтер болған жоқ.
Сонымен қатар, халықтың цифрлық сауаттылығын арттыру мақсатында азаматтарды «Digital Аgent» мобильді қосымшасы арқылы бағалауға мүмкіндік берілгендігі туралы қызмет алушыларға түсіндірме жұмыстары жүргізілуде.
Мемлекеттік көрсетілетін қызметтер тәртібі бойынша азаматтарды ақпараттандыруға, олардың цифрлық сауаттылығын арттыруға және электрондық қызметтерді түсіндіруге бағытталған мемлекеттік көрсетілетін қызметтер жәрмеңкесін бөлім тоқсан сайын өткізуде.