Жұмысқа орналастыру

Жұмыспен қамту бойынша
Ауданда 2020 жылы 1215 жаңа жұмыс орнын ашу жоспарланып 2020 жылдың 1 шілдесіне 930 жаңа жұмыс орындары ашылды, оның 380 жұмыс орны ауылдық жерден. Оның ішінде 303 жұмыс орны «Жұмыспен қамтудың Жол картасы» жобасы аясында.
Ауданда тұрақты түрде жұмыс орындарын қысқартуға жол бермеу, әлеуметтік - еңбек жанжалдарының алдын алу, еңбек ұжымдарында жайлы әлеуметтік ахуал орнату жөніндегі еңбек заңнамаларын орындау, жұмысшылардың еңбекақыларын уақытылы төлеу мәселелері бойынша жұмыстар жүргізілді.
Еңбек қатынастары бойынша туындаған мәселелерге байланысты және белгіленген жұмыс жоспарына байланысты аудан аймағында орналасқан барлық мекеме, кәсіпорын басшыларымен 2020 жылдың 6 айында 3 рет аудандық әлеуметтік әріптестік және әлеуметтік-еңбек қатынастарын реттеу жөніндегі үшжақты комиссия отырыстары өткізілді.
Мүмкіндігі шектеулі азаматтарды, пробация қызметінің есебінде тұрған адамдарды,бас бостандығынан айыру орындарынан босатылған адамдарды,
ата-анасынан кәмелеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды жұмысқа орналастыру үшін аудан әкімдігінің қаулысы қабылданып аудан аймағында орналасқан мекеме,кәсіпорындармен аталған қаулылардың аясында талдау жасалып орындалуына жұмыс жүргізілуде.
Ауданда 2827 жұмысшы жұмыс жасайтын 105 мекеме, кәсіпорындармен, шаруа қожалықтарымен және жеке кәсіпкерлермен жұмысшыларды жұмыспен қамту және еңбек құқықтарын қамтамасыз ету, өндірістік үдерістерді тұрақтандыру мәселелері жөніндегі Мұғалжар ауданы әкімдігі, жұмыс беруші және кәсіподақ бірлестігі арасындағы Меморандумдар жасалып қол қойылды.
«Еңбек нарығы» ААЖ «Жұмыс орындарын құруға арналған интеграциялық карта» модуліне «Еңбек» бағдарламасы аясында 2473 жұмыс орны, «Жұмыспен қамтудың Жол картасы» жобасы аясында құрылған 303 жұмыс орны туралы толық ақпарат енгізілді.
2020 жылдың 6 айында жұмыспен қамту орталығымен бірлесіп 2 бос жұмыс орындар жәрмеңкесі ұйымдастырылып өткізілді, оның ішінде мүгедектер мен пробация қызметінде тіркелген адамдар үшін.
Бейресми жұмыспен қамтылған адамдардың мәртебесін ресімдеу және жаңарту мақсатында аудан тұрғындары арасында ақпараттық-түсіндіру жұмыстары үнемі жүргізіліп отырылды, сонымен қатар оларға бірыңғай жиынтық төлем төлеу жөнінде де түсіндірме жұмыстары жүргізілді.
Еңбек делдалдығына жүгінген және мемлекеттік қолдау шараларына қатысу үшін жұмыспен қамту орталығында тіркелген азаматтардың мәліметтерін «Еңбек нарығы» ААЖ-не уақтылы және дұрыс енгізу бойынша күнделікті бақылау жүргізіледі, сондай-ақ жұмыспен қамту орталығы мамандарына қажетті кеңестер беріледі.
Добавлено: 
15.08.2012 - 05:00
Последние изменения: 
15.08.2012 - 05:00