Денсаулық сақтау

ДЕНСАУЛЫҚ САҚТАУ САЛАСЫ
Қазіргі таңда, жалпы аудан тұрғындарына медициналық қызмет көрсету бойынша Мұғалжар аудандық орталық ауруханасы мен Ембі аудандық ауруханасы және олардың емханалық бөлімшелері, «Шапағат» жеке медициналық мекемесі, аудандық туберкулез ауруханасы қызмет көрсетуде.
Мұғалжар аудандық (Қандыағаш аймағы бойынша) орталық ауруханасы көппрофильді 98 кереуеттік стационардан және тәулігіне 600 адам қабылдауға арналған емханадан тұрады. Дәрігерлік амбулаторияларды қоса алғанда емхананың қуаттық кабылдау мөлшері-779 жәнеде 50 керуеттік күндізгі стационар медициналық қызмет көрсетеді, оның 20 керуеті ауылдық ДА-да, 30 кереуеті аудандық ауруханада орналасқан.
Аурухана құрамында ауыл тұрғындарына алғашқы медициналық санитарлық көмек көрсету саласында 5 - дәрігерлік амбулаторияжәне 1 фельдшерлік акушерлікпункт,15- медициналық пункт қызмет етеді. Барлығы 5 селолық дәрігерлік амбулатория медициналық құрал-жабдықтармен, дәрігермен және орта дәрежелік медицина қызметкерлерімен қамтамасыз етілген.
Мұғалжар аудандық орталық аурухана мекемесінің саласында:
- 72 дәрігер қызмет атқарады, оның ішінде 66 дәрігер аудандық ауруханада,
6-дәрігер селолық дәрігерлік амбулаторияларда.
-252орта буын медициналық мамандар қызмет атқарады.
Ембі аудандық ауруханасы (Ембі аймағы бойынша) 20 156 халқына көмек көрсетеді. 36 төсектік орынмен жабдықталған ауруханада 32 дәрігер қызмет атқарады, оның 3-уі ауылдық жерде дәрігерлік амбулаторияларда. 133 орта буын медициналық қызметкерлерінің 24-і ауылдық жерде қызмет көрсетіп жатыр.4 -дәрігерлік амбулаторияда санитарлық автокөлікпен қамтылған. 7-медициналық пунктер және 1- фельдшерлік акушерлік пункт бар.
Мемлекеттік-жекешелік әріптестік аясындаЖұрын ауылында 40 орындық дәрігерлік амбулатория пайдалануға берілді.